Qaysi bandasi amalda eng go’zalligini sinash uchun o’lim va hayotni yaratgan, vafot etganlardan qolgan mol-mulkni qanday taqsimlashni, halol va haromni o’rgatgan Robbimiz haq subhanahu va taologa hamdu sanolar bo’lsin!

Bu ham bizda yozilmagan qonundek bo’lib ketgan, yozilmagan qonun bo’lsa ham, yozilgan qonundan ko’ra ko’proq kuchga kirib ketgan. Meros mol-mulkning, ayniqsa, hovlining oiladagi kenja o’g’ilga qolishi o’zbek xalqida qat’iy odat tusiga kirib qolganidan, ba’zan katta akalar bunga rozi bo’lishadi. Ammo kimdir astoydil rozi bo’lsa, kimdir o’lganining kunidan, andisha qilganidan rozi bo’ladi. Lekin shariatning hukmiga ko’ra, meros to’g’ri taqsimlanib, har bir aka yoki opa yoki boshqa merosxo’r o’ziga qancha ulush tegishini bilgandan keyin, uni olmaslikka rozi bo’lsagina uning roziligi o’tadi.

Xalifa Mansur lavozimga tayinlangan paytda uning huzuriga Muqotil kelgan ekanlar. Shunda xalifa Mansur Muqotilga «Menga bir nasihat qiling», debdilar. Hazrati Muqotil «Ey mo’minlarning amiri! Ko’rganlarimni gapiraymi, eshitganlarimni gapiraymi?» debdilar. Xalifa «Ko’rganingizni gapiring», debdi. Muqotil shunday debdi: «Umar ibn Abdulazizni ko’rdim. 11 ta o’g’li bor edi. Atigi 18 dinor meros qolgan edi, 5 dinoriga kafanlik oldik, 4 dinori dafnga ketdi, qolgan 2 dinorni 11 ta o’g’ilga taqsim qilib berdik.

Hohlagan bandasiga qiz farzand bergan va hohlagan bandasiga o’g’il in’om etgan yoki ularni o’g’il va qiz qilib aralashtirib bergan va hohlagan bandasini bepusht qilib yaratgan Alloh taologa hamdu sanolar bo’lsin!